EXPOSICIÓN COLECTIVA “BALEIRADA”
Do 4 ao 27 de setembro dentro do ciclo 
FotografiARTE poderás visitar no Espazo Xove de Chantada, na Rua Rosalía de Castro, número 1, a exposición de Fotografía “Baleirada” de O Potiños.
“Pobreza. Emigración. Abandono.
A mocidade foxe. A xente maior morre. Non nacen meniños. Aldeas sen xente. Lembranzas, buratos… Ninguén, e silencio. (…)
Baleirada. Que non baleira. Abandono obrigado. Non por gusto, senón por forza. Porque todos os camiños estaban pechados, menos o da morte. E despois da morte veu o ninguén. E despois a noite, o silencio e as sombras.
Pero o tempo é redondo, coma un prato vello, ferido por unha culler enfurruxada…” A. F. O Potiños
Non a perdas!!
